0_MIA Investigon.Portal SQE përzgjedhur SQ

Gjuha e urrejtjes në BeH i shqetëson ekspertët

Gjuha e urrejtjes në Bosnjë e Hercegovinë ka kapërcyer vijën e kuqe dhe është koha që të ndërmerren hapa për të parandaluar përshkallëzimin e urrejtjes nga platformat digjitale dhe për ta sjellë shoqërinë në një cikël dhune dhe krimesh të urrejtjes, citohet në investigimin e bërë në kuadër të projektit Shkatërrimi i gjuhës së urrejtjes duke fuqizuar të rinjtë. Kjo është zbatuar nga Nisma Rinore e BeH-së për të Drejtat e Njeriut (YIHR) dhe Global Analitika.

Al Xhezira Balkans

Gjuha e urrejtjes në Bosnjë e Hercegovinë ka kapërcyer vijën e kuqe dhe është koha që të ndërmerren hapa për të parandaluar përshkallëzimin e urrejtjes nga platformat digjitale dhe për ta sjellë shoqërinë në një cikël dhune dhe krimesh të urrejtjes, citohet në investigimin e bërë në kuadër të projektit Shkatërrimi i gjuhës së urrejtjes duke fuqizuar të rinjtë. Kjo është zbatuar nga Nisma Rinore e BeH-së për të Drejtat e Njeriut (YIHR) dhe Global Analitika.

Promovimi i urrejtjes ndaj të tjerëve është jashtëzakonisht i rrezikshëm dhe mund të jetë hapi i parë drejt dhunës, dhe në shoqëritë pas konfliktit të tilla si Bosnja dhe Hercegovina edhe një hyrje në konflikt, kështu që aktivistët e paqes dhe ekspertët e kësaj fushe kërkojnë inkorporimin urgjent të mekanizmave për të zvogëluar gjuhën e urrejtjes në këtë vend ku u kryen krimet më të mëdha në Evropë pas Luftës së Dytë Botërore

Qindra ekspertë dhe aktivistë kanë grumbulluar dhe analizuar përmbajtjen e disa portaleve mediatike në BeH muajt e fundit, si dhe llogaritë e Fejsbukut dhe Tuiterit për portale që nuk kanë forume për të komentuar, duke zbuluar gjuhë urrejtjeje në artikujt e gazetave dhe komentet rreth tyre.

Koordinatorja e projektit Amina Kolashinac tha se ky ishte sondazhi më i madh dhe më gjithëpërfshirës mbi gjuhën e urrejtjes të kryer në të gjithë rajonin, duke përfshirë edhe Bosnjën e Hercegovinën.

Ishin anketuar më shumë se 3,000 persona, bashkëbisedues, bashkëpunëtorë, si dhe aktivistë morën pjesë drejtpërdrejt në projekt.

Ky investigim përfshiu tre segmente: kërkimin e gjuhës së urrejtjes në media, mbledhjen e të dhënave nga institucionet gjyqësore në BeH dhe investigim publik midis qytetarëve.

Kush janë viktimat e gjuhës së urrejtjes?

Investigimi tregoi se viktimat e gjuhës së urrejtjes në BeH janë grupe të ndryshme: grupe etnike dhe fetare, popullata LGBT, migrantë dhe të tjerë.

Shefi i investigimit, Safet Mushiq, tha se gjuha e urrejtjes në media përhapet kryesisht nga bashkëbiseduesit në media (42%), e ndjekur nga politikanët (30%), personazhet publike (18%), por ndonjëherë edhe vetë gazetarët (10%).

“Gjuha e urrejtjes përmes komenteve vendoset kryesisht (rreth 90 për qind) nga komentues të panjohur dhe se gjuha e urrejtjes zakonisht prodhon një kundër-reagim dhe çon në shembuj të rinj të gjuhës së urrejtjes,” thotë Mushiq.

Sipas Kodit Penal të BeH-së, “Kushdo që publikisht nxit urrejtje kombëtare, racore ose fetare, përçarje ose intolerancë midis popujve përbërës dhe të tjerëve, si dhe të tjerëve që jetojnë ose banojnë në Bosnjë dhe Hercegovinë”, mund të dënohet me tre muaj deri në tre vite burg. Dhe kushdo që e kryen këtë krim duke abuzuar me pozitën ose autoritetin e tij zyrtar, dënimet janë edhe më të rënda, deri në dhjetë vjet burg

Por pavarësisht shifrave shqetësuese që gjuha e urrejtjes në BiH po rritet në mënyrë të vazhdueshme, vetëm 13 dënime për gjuhë urrejtjeje janë regjistruar në këtë vend, nga të cilat vetëm dy janë dënime me burg dhe pjesa tjetër janë me dënim të kushtëzuar për periudhën nga viti 2015 në vitin 2020.

Gjuha e urrejtjes është bërë e zakonshme për shumicën e qytetarëve të Bosnjës dhe Hercegovinës, tha Zlatiborka Popov-Momçinoviq, e cila, si pjesë e projektit, e ndoqi investigimin publik të qytetarëve mbi gjuhën e urrejtjes.

“1000 të anketuar nga e gjithë BeH morën pjesë në sondazh dhe të anketuarit pranojnë se gjuha e urrejtjes është më e pranishme në të ashtuquajturat media të reja “, tha Popov-Momçinoviq.

Sidoqoftë, rreth 64% nuk ndërmorën ndonjë veprim me këtë rast, dhe nëse kishte reagime, më së shumti kishte të bënte me shprehjen e këtij problemi në rrjetet sociale (33%). Rreth 12% thanë se kishin kontaktuar media (gazetar ose redaktor), 3% thanë se kishin kontaktuar shoqatat e policisë dhe gazetarëve dhe pak më pak se 3% thanë se kishin kontaktuar Agjencinë Rregullatore të Komunikimeve ose Këshillin e Shtypit, thotë Popov – Momçinoviq.

Sipas studimit, nga tetori i vitit 2018 deri në tetor të vitit 2020, nuk kishte asnjë ditë të vetme pa gjuhë urrejtjeje në mediat e Bosnjës dhe Hercegovinës.

 

Butoni Kthehu në krye
Mbylle